متعملش ويب سايت وخلاص

متعملش ويب سايت وخلاص

من خلال تعاملنا في مجال web solutions السنين الي فاتت قابلتنا مشكلة متكررة والمشكلة دي منقسمة لشقين

الشق الاول : شخص يبقي محتاج يعمل ويب سايت ومش فارق معاه اي تفاصيل المهم ويب سايت وخلاص
الشق التاني : شخص يبقي عنده حماس انه يعمل الويب سايت ولما تسأله بعد ما الويب سايت ما يخلص ال Plan بتاعتك ايه .... يسكت وميردش

طيب خلينا نوضح كام جزئيه من وجهة نظرنا.

لو إنت محتاج تعمل ويب سايت وخلاص ومش هتستفيد بيه أو مش هتشغله فبالتالي إنت مش محتاج تروح لأ شركة تصميم مواقع عشان مش هتدفع مبلغ صغير،
طيب تفتكر انت لما هتعمل ويب سايت وخلاص هتستفيد ايه...!! طبعا ولا اي حاجه فكر في الموضوع هوه انت ممكن تشتري عجله عشان الناس كلها بتشتري عجل وخلاص !!

طيب والحل ايه ؟
اول سؤال محتاج تسأله لنفسك الويب سايت ده هيفيدك فعليا ولا لأ ؟ وهيفيدك في ايه !
تاني سؤال ايه هيا احتياجات الـ audience بتوعك الي هيدخلوا علي الويب سايت ؟
تالت سؤال ايه هيا ال plan الي هعملها للويب سايت بتاعي بعد ما يخلص وازاي هقدر اكسب منه ؟

وبعدها تقدر تقرر هتعمل ويب سايت ولا لأ ..!!

واخر حاجه لو انت متابع لينا او لأ، اوعي تتردد انك تسألنا علي اي حاجه لاننا هنحاول نساعدك دايما باي معلومه عندنا